Ақмола облысында сотта блогердің кінәсі дәлелденбегендіктен іс тоқтатылды, - деп хабарлайды Massaget.kz тілшісі.
Сот Г-ға қатысты жалған ақпаратты орналастырды және таратты деген айыппен әкімшілік құқықбұзушылық туралы іс қарады (ӘҚБтК-нің 456-2-бабының 3-бөлігі).
Полиция қызметкері Instagram әлеуметтік желісінің парақшасында әскери қызметшілердің қаза тапқаны туралы ақпаратпен бейнежазба жариялағаны бойынша жеке кәсіпкерліктің басшысы Г-ға қатысты әкімшілік құқықбұзушылық туралы хаттамаға құрастырған.
Сотта келесі анықталды:
- әкімшілік жауапкершілікке тартылып отырған тұлға бейнежазбаның авторы болып табылмайды;
- жарияланған ақпарат ресми көздерден алынған;
- әскери қызметшілердің өлім-жітім статистикасын әскери прокуратураның өкілі ҚР Парламент Сенатының отырысында жариялаған;
- Г. жалған мәліметтерді әдейі жариялағанын растайтын дәлелдемелер сотқа ұсынылмады;
- ақпаратты ведомство өкілі жария еткені айғақтар мен бейнежазбамен расталды.
Осылайша, Г-нің кінәсі дәлелденбеді, оның әрекеттерінде әкімшілік құқықбұзушылықтың құрамы болмаған.
Сот қаулысымен іс бойынша іс жүргізу тоқтатылды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина