Ақмола облысында 5 балл жер сілкінісі болғаны рас па?

Earthquake қосымшасында "Бурабай" мемлекеттік ұлттық паркіне жақын маңда жер сілкінісі болғаны туралы хабар тарады. Бұл қосымша арқылы жер сілкіністерін бақылап отыруға болады. Қосымшадағы мәлімет бойынша, жер сілкінісі 13.57-де болған. ТЖМ өкілдері бұл дерекке қатысты пікір білдірді, - деп хабарлайды Massaget.kz тілшісі.

ТЖМ мәліметінше, қосымшадағы мәлімет шындыққа жанаспайды, облыста жер сілкінісі сезілмеген. 

"4 ақпан күні сағат 13:57-де Earthquake қосымшасында Ақмола облысында, Бурабай саябағының маңында жер сілкінісі болғаны туралы ақпарат жарияланды. Төтенше жағдайлар министрлігінің Сейсмикалық бақылау және зерттеулер ұлттық ғылыми орталығы жер сілкінісі болғанын растамайды", - делінген баспасөз қызметінің хабарламасында.

Instagram парақшамызға жазылып, ең қызықты ақпараттарды бірінші болып оқыңыз!