Әкесі туғанына екі күн болған қызын сатқысы келген
![Әкесі туғанына екі күн болған қызын сатқысы келген](/userdata/news/news_87995/image_l.jpg)
Сурхандария облысының Ангора ауданында ер адам туғанына екі күн болған қызын 35 миллион сомға сатуға тырысқан, - деп хабарлайды Massaget.kz тілшісі Podrobno.uz-ға сілтеме жасап.
Бұл туралы Құқық қорғау органдарына оның көршісі хабарлаған. Оның сөзінше, 54 жастағы ер адам 17 шілдеде туған қызын 35 миллион сомға сатпақ болған. Ол төрт жыл бойы 29 жастағы әйелімен азаматтық некеде тұрған.
Басылым мәліметінше, қыздың әкесі 19 шілдеде сағат 21:00 шамасында қамауға алынған. Ол 1,4 мың доллар және 10 миллион сом алып жатқан уақытта өз үйінде ұсталған.
Осы дерек бойынша Қылмыстық кодекстің 135-бабы 3-бөлігінің "а" тармағы бойынша қылмыстық іс қозғалды. Ол сегіз жылдан он екі жылға дейін бас бостандығынан айырылуы мүмкін.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова