"Ақ матаға оралған". Жаңаөзен тұрғыны көлігінде атыс қаруын сақтап жүрген

Әлеуметтік желілерде Жаңаөзенде ер адам ұсталған видео тарады. Өңірдің Полиция департаменті өкілі видеоға қатысты пікір білдірді, - деп хабарлайды Massaget.kz тілшісі lada.kz-ке сілтеме жасап.

Видеода полиция қызметкерлері ер адамды ұстап, қару-жарақ тәркілегені көрінеді. Кадрдан тыс жерде әйел күйеуін заңсыз ұсталғанын, оған жала жабылғанын айтады.

"Ол ештеңеге қол тигізбеді, оған жала жабылды. Бұған дейін үйге тінту жасалды, бірақ ештеңе табылмады", - дейді экраннан тыс жерде әйел.

Өңірдің Полиция департаменті өкілі видеоға қатысты пікір білдірді.

"9 қыркүйекте сағат 6:55 шамасында Жаңаөзен аумағында ер адам көлігінде атыс қаруын сақтайтыны туралы жедел ақпарат түсті. Сол күні сағат 07:09-да Жаңаөзен жолдарының бірінде Toyota Hiace көлігі тоқтатылды. Тінту барысында көліктің жолаушылар отырғышының төменгі жағынан ақ түсті матаға оралған қару табылып, тәркіленді", - делінген ведомство хабарламасында.

Полиция мәліметінше, ұсталған адам - 45 жастағы ер адам.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!