"Ағаштар құлап, маңдайшалар жұлынды". Астанада қатты желден кейін қалпына келтіру жұмыстары жүргізіліп жатыр
!["Ағаштар құлап, маңдайшалар жұлынды". Астанада қатты желден кейін қалпына келтіру жұмыстары жүргізіліп жатыр](/userdata/news/news_94958/image_l.jpg)
Елордада 18 қараша күні кешкі уақыттан бастап қатты жел соғып, құрылыстарға зиян келтіріп, ағаштарды құлатып, белгілерді жұлып әкетті. Қаланың коммуналдық қызметтері ауа райының қолайсыздығына байланысты күшейтілген режимге көшті, - деп хабарлайды Massaget.kz тілшісі Астана әкімдігінің ресми сайтына сілтеме жасап.
Коммуналдық қызметтер аудан әкімдіктерімен бірлесіп, апаттың салдарын жою және қалпына келтіру жұмысын жүргізіп жатыр. Өткен тәулікте Астана Төтенше жағдайлар департаментінің қызметкерлері расталмаған 3 факті бойынша 28 рет шықты. Атап айтқанда, 10 өрт оқиғасы, 12 авариялық-құтқару жұмысы және т.б.
"Мәселен, Үркер елді мекенінде ауа райының нашарлауына байланысты Ұлттық ұлан әскери бөлімінің бес қабатты казарма ғимаратының шатыры бұзылды. Оның жалпы алаңы 1500 шаршы метрді құрады. Байқоңыр ауданында ауа райының қолайсыздығы кезінде 7 автобус аялдамасы опырылып, 6 қоршау зақымдалды. Сол сияқты 6 ағаш құлады. Сарыарқа ауданында екі қабатты үйдің шатыры бұзылып, артынша "Школьная" мекемесінің электр энергиясы үзілді. Астана-АЭК арқылы электрмен жабдықтау толығымен қалпына келтірілді. Алматы ауданында 8 жол белгісі, 1 жарықтандыру бағанасы, 5 шам, қоршау және т.б. бүлінді", - делінген хабарламада.
Сондай-ақ, "MEGA Silk Way" сауда орталығының негізгі кіреберісінің жанындағы көшеде қатты желден жарнамалық баннер жұлынып, әйел адамның үстіне түсті. Ол №2 ауруханаға жеткізілді. Дәрігерлер тексергеннен кейін үйіне жіберілді, жағдайы қанағаттанарлық.
Нұра ауданында "Evolution" ТК, "Техникум" ТК құрылыс алаңдарында, Сығанақ-Әнет баба көшелерінің қиылысында, Қабанбай батыр даңғылы, 29/4, Қорғалжын тас жолы, 20Б, Омаров көшесі, 21/1 және Тұран даңғылы, 57/1 мекенжайларында қоршауларды қалпына келтіру жұмысы жүргізіліп жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
А. Жайыққызы