Адам жиі мән бермейтін, бірақ қауіпті диагноздар аталды

Терапевт ревматологқа жазылу керек десе, бұл сізде ревматизм бар дегенді білдірмейді. Мұндай дәрігерлер денсаулықтың әртүрлі мәселелерімен айналысады. Бұл туралы ревматолог Татьяна Гульева айтты, - деп хабарлайды Massaget.kz тілшісі doctorpiter.ru-ға сілтеме жасап.

Ревматолог не емдейді?

Ревматологтар - буындарға, теріге және ішкі мүшелерге байланысты мәселелерді емдейтін дәрігерлер.

Ревматологтар мына ауруларды анықтайды және емдейді:

• ревматоидты артрит;
• псориатикалық спондилит-псориаз;
• подагра;
• Бехтерев ауруы;
• Шегрен ауруы;
• васкулиттер;
• ревматикалық полимиалгия;
• дерматомиозит;
• жүйелік склеродерма;
• реактивті артрит;
• остеопороз және т.б..

Олардың белгілері қандай?

Ревматологқа баруды қажет ететін симптом - буын мен омыртқадағы ауырсыну.

• Буындар ісініп, қызаруы.
• Теріде бөртпе пайда болуы.
• Лимфа түйіндері үлкеюі.
• Құрғақ тері мен шырышты қабаттар.
• Ұзақ уақыт дене қызуы көтерілуі.
• Көздің және ішектің қабыну аурулары.
• Шырышты қабық пен тері жаралары.
• Бұлшықеттердегі ауырсыну және әлсіздік.
• Тромбоздар.
• Бала көтере алмау.
• Сүйек сынуы.

"Кез келген дәрігер қан талдауынан ауытқу байқаса, ревматологқа жібере алады: терапевт, дерматолог, хирург, травматолог, кардиолог, гастроэнтеролог, невропатолог, эндокринолог, уролог", - деді Татьяна Гульева.

Ревматологтың диагностикалық әдістері әртүрлі. Олар: қан мен зәр анализі, рентген, КТ, МРТ, ультрадыбыстық, артроскопия, денситометрия. Кейде биопсия да қажет болуы мүмкін.

Қызықты жаңалықтар мен видеоларды көру үшін TikTok арнамызға жазылыңыз!