Абай облысының мұғалімі ұлттық ойындар арқылы математиканы үйретіп жүр

Бородулиха ауданы Жезкент кенті мектеп-лицейінің математика пәні мұғалімі Сымбат Есенжол ұлттық ойын түрлерін пайдаланып келеді.

Жас маман ұлттық құндылықтарға негізделген оқыту тәсілдерін математика сабағын қызықты әрі танымды етіп өткізуде қолданып жүр.

Ұстаз сабақ барысында тоғызқұмалақ, асық ату, қыз қуу, арқан тартуды математика есептерімен ұштастырады.

Мысалы, тоғызқұмалақ ойынында оқушылар жақшаларды ашу және жабу есептерін шығарады.

Асық ату кезінде оқушылар асықтардың мәндерін есептеп жарысса, қыз қуу ойынында теңдеулерді шешкен сайын алға жылжиды.

Абай облысының әкімдігі ұсынған материал

Өзекті жаңалықтарды өз уақытында оқу үшін Facebook парақшамызға жазылыңыз!