Абай облысының құтқарушылары адамды аман алып қалды
![Абай облысының құтқарушылары адамды аман алып қалды](/userdata/news/news_112804/image_l.jpg)
Фото:
ТЖМ
Абай облысының құтқарушылары адамды аман алып қалды, - деп хабарлайды Massaget.kz тілшісі.
Бүгін Ертіс өзенінде ер адам қалқымалардың ар жағына жүзіп, оны ағын алып кетті.
Абай облысының Жедел-құтқару жасағының қызметкерлері патрульдеу кезінде суға батып бара жатқан адамды байқап, жағаға жеткізіп, оған жедел көмек көрсетті. Құтқарылған адам медициналық көмекке мұқтаж емес.
Ер адамның өмірін сақтап қалған қаһармандардың есімдері - Константин Ульянов пен Архат Тілеуберлинов.
ТЖМ барлық азаматтарды суда жүріс-тұрыс ережелерін сақтауға шақырады. Бейтаныс және жабдықталмаған жерлерде шомылмаңыздар.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина