Абай облысында суда жоғалып кеткен үш адам әлі іздестіріліп жатыр
![Абай облысында суда жоғалып кеткен үш адам әлі іздестіріліп жатыр](/userdata/news/news_104120/image_l.png)
Абай облысында суда жоғалып кеткен үш адам әлі іздестіріліп жатыр, - деп хабарлайды Massaget.kz тілшісі polisia.kz-ке сілтеме жасап.
Қарағаш ауылының азаматтары МТЗ 82 маркалы тракторымен "Шалқар" шаруа шаруашылығынан Қарағаш ауылына қарай бет алған. Трактордағы екі ер адам жолды қысқарту үшін өзенді кесіп өтпек болған, алайда олар су деңгейінің көтерілуіне байланысты өзеннің ортасында қалып қойған. Бүгінде бұл тұрғындардың нақты қайда екені белгісіз.
Сонымен бірге 23 наурыздан бері Аягөз өзенінен өтпек болып, аттан суға құлап кеткен 46 жастағы ер адамды іздестіру жұмыстары жүргізіліп жатыр.
Полиция жоғалып кеткен адамдардың көктемгі су тасқынының алдын алу жұмыстарына қатыспағанын мәлімдеді.
Қызықты жаңалықтар мен видеоларды көру үшін TikTok арнамызға жазылыңыз!
М. Лұқпан