Абай облысында екі бала сіріңкемен ойнап, 82 тонна шөп өртеп жіберген

Фото: "КТК" телеарнасы

07 қараша 2023, 02:50

Абай облысы Ақсуат ауданындағы ауылдардың бірінде өрт шығып, жергілікті тұрғынның шөбі өртенді, - деп хабарлайды Massaget.kz тілшісі.

Полицейлер шөпті екі бала өртеп жібергенін анықтады.

"Үйлердің бірінің ауласында ойнап жүрген мектеп оқушылары сіріңкемен аңдаусызда шөп өртеп жіберген. Балалар келтірген залал 4 миллион теңге болады. Енді бұл соманы олардың заңды өкілдері өтеуі керек", - деді полиция.

ҚР Қылмыстық кодексінің 202-бабы бойынша соталды тергеу жалғасып жатыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Ж. Қадыржанова