Абай облысында білім беру мекемесінде бюджет қаражатын жымқыру дерегі анықталды, - деп хабарлайды Massaget.kz тілшісі.
Мақаншы ауданының прокуратурасы Қарабұтақ орта мектебінде бюджет қаражаты жымқырылғанын анықтады.
"Мекеменің бас есепшісі ай сайын өзіне екі есе жалақы есептеп отырған, сондай-ақ, іс жүзінде жұмыс істемеген жұбайына заңсыз жалақы аударған. Заңсыз әрекет салдарынан 18 млн теңгеден аса бюджет қаражаты жымқырылған", - деп жазылған Абай облысы прокуратурасының хабарламасында.
Аудан прокуратурасы Қылмыстық кодекстің 189-бабы 3-бөлігі бойынша соталды тергеп-тексеруді бастады. Келтірілген залал ішінара өтелген.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова