Xiaomi смартфондарына түсірілген ең үздік суреттер анықталды

Фото: mi.com

21 желтоқсан 2018, 13:05

Xiaomi компаниясы 25 қазанда мобильді фотография байқауын жариялаған еді. Басты шарт – суреттер Xiaomi смартфонына түсірілуі тиіс. Байқаудың жүлде қоры – $50 000.

Әр қатысушы 6 сурет жүктей алады. Жеңімпаздар мына 4 категория бойынша анықталды: шынайы көрініс, әлемнің бір бөлігі, арман алдында, мұң. Конкурс 23 қарашада аяқталып, үздік суреттер 6 желтоқсанда жарияланды.

Кәсіби қазылар үздік 100 суретті іріктеп, көпшілікке ұсынды. Суреттер дауыс беру арқылы анықталды. Әр категорияда үш жеңімпаз бар: бірінші орынға $10 000, екінші орынға $2 000, үшінші орынға $500 берілді. Байқауға 172 аймақтан 306 208 адам қатысып, оның ішінде 246 733 сурет басты талапты (кемі 3 дауыс жинау керек) орындаған. Барлық сурет 3 496 502 дауыс жинаған.

Назарыңызға жеңімпаздардың суреттерін ұсынамыз.

І орын
Шынайы көрініс
Смартфон: Redmi Note 6 Pro
zoel cholid / Индонезия

"Жайдары бол"