World Boxing биыл өтетін Азия чемпионаттарының уақытын бекітті

World Boxing ұйымы бокстан 2025 жылы өтетін Азия чемпионаттарының кестесін жариялады. Барлық жас дәрежесі бойынша ерлер мен әйелдер бәсекесі қатар өтетін болды, - деп хабарлайды massaget.kz. 

15 және 17 жасқа дейінгі боксшылар арасындағы Азия чемпионаты 17 сәуір - 1 мамыр аралығында Иордания елінің астанасы Амманда өтеді. 

19 бен 22 жасқа дейін спортшылар арасындағы турнир 20 шілде мен 3 тамыз аралығында үздіктерді анықтайды. Ал ересектер арасындағы Азия чемпионаты 1-15 қазан күндері ұйымдастырылмақ. Бұл жарыстардың өтетін орны кейінірек анықталатын болады. 

Айта кетейік, қазір бокстан Қазақстан құрамасы оқу-жаттығу жиынын өткізіп жатыр. Бір құрам Испанияға аттанды. Онда халықаралық турнирге қатысатын болады.