23 тамыз күні Алматы қаласында "TURAQTY JOL" Ұлттық Әлеуметтік эконауқаны аясындағы Республикалық экологиялық идеялар мен жобалар Фестивалінің финалы өтті.
Іріктеуден және онлайн оқытудан сәтті өткен үздік 10 команда фестивальдің қазылар алқасы мен іс-шара қонақтарының назарына өздерінің экологиялық бастамалары мен идеяларын ұсынды. Әсіресе SHABYT жобасы ерекше қызығушылық тудырды. Команда қатысушылары – Камалжан Кәрім, Дәуренбай Санжар және Әбденбаев Даниял өрттерге тиімді қарсы тұру және олардың жойқын салдарын барынша азайту үшін озық технологияларды әзірлеуге бағытталған инновациялық идеясын ұсынды.
Жоба жетекшісі Камалжан Кәрім бала кезінен техникамен әуестеніп, әкесімен бірге роботтарды жинаған.Орман өрттерінің жиі пайда болуына байланысты, осы проблемамен күресу үшін өз дағдыларын қолдануға шешім қабылдаған. "Біз жобаны масштабтауды және инвестиция алу жолдарын іздедік. TURAQTY JOL фестивалі туралы әлеуметтік желілерден білдік және финалға іріктеуден өткенімізге өте қуаныштымыз", - деп атап өтті Камалжан Кәрім.
Жобаның негізгі элементі - жасанды интеллект және икемді модульдік дизайны бар AIDAHAR роботы. Өрт сөндірушілермен өзара әрекеттесу арқылы өрт шығу ошақтарын тиімді сөндіруге және олардың таралуын болдырмауға көмектеседі.
Финалда көзге түскен жобалардың бірі – SMART TRASH BIN. Бұл бастаманың мақсаты жасанды интеллект негізінде кірістерді сұрыптаудың инновациялық жүйесін енгізу арқылы экологиялық жағдайды жақсарту болып табылады. "Жобамыздың мүмкіндіктерін дамытуда және оны келесі деңгейге көтеруде Фестивальдің орны ерекше болды. Біз кәсіби мамандардың қатысуымен өткен вебинарлар арқасында білімдерімізді байытуға мүмкіндік алдық. Менің ойымша, бұл ерекше мүмкіндік және оны жіберіп алмағаныма ризамын", – дейді Қанат Тәжікхан.
Фестивальдің соңғы кезеңінде ұсынылған WECUBE жобасы баламалы энергияны қалалық инфрақұрылымға біріктірудің әмбебап және ыңғайлы әдісін құруға бағытталған.
Негізгі мақсаты – бұл процесті пайдаланушыларға қол жетімді ету және баламалы энергияны тұтынуды қамтамасыз ету арқылы инженерлік дағдыларды қажет етпейтін құрылғыны құру.
“Менің міндетім – Қазақстанның әрбір тұрғынына, одан тыс жерлерге таза энергияны қолжетімді ету. Адам мен табиғат арасындағы тепе-теңдікті қалпына келтіру – біздің планетамыздың болашағы үшін әрбіріміздің міндетіміз деп білемін", - деп түсіндіреді команда жетекшісі Кәрім Диасәлі.
TURAQTY JOL фестивалі туралы білгеннен кейін жас өнертапқыштар бірнеше ай бойы зерттеулер жүргізіп, өз жобаларын қазылар алқасының алдында қорғау үшін презентациялар дайындады. Айта кету керек, олар жобаға қатысқан 300 команда арасынан іріктеліп, өз бастамаларын іске асыру үшін 5, 3 және 2 миллион теңге көлеміндегі гранттар үшін бақ сынады.
Алматы қаласы әкімдігінің қолдауымен Қазақстандық Ұлттық ЮНЕСКО Клубтарының Федерациясы және Алматы қалалық Іскер әйелдер қауымдастығымен бірлесіп ұйымдастырылға Фестивальдің басты мақсаты – 16-35 жас аралығындағы жастар арасында үздік инновациялық экожобалар мен стартаптарды анықтау болып табылады. Жобаның бас серіктесі – Центр Кредит Банкі.
"ЦентрКредит Банкінің TURAQTY JOL эконауқанына қатысуы жастар арасында экологиялық жауапкершілікті қалыптастыру мен кеңейтуді қолдауға бағытталған. Осы бастама аясында біз ең алдымен экология саласында оң өзгерістер енгізуге қабілетті инновациялық идеялар мен стартаптарды қолдаймыз. Біз жас ұрпақтың әлеуетіне және олардың қоршаған ортаны сақтауға айтарлықтай әсер ету қабілетіне сенеміз", - деп атап өтті ЦентрКредит Банкінің тәуекел-менеджмент орталығының басқарушы директоры және жобаның бас серіктесінің өкілі Клара Эрмакбаева.
Іс-шараның өтуіне "Құмкөл Транс Сервис" компаниясы мен Tengrinews ақпараттық агенттігі де қолдау көрсетті.
Өткен жылдардағы табысты тәжірибеге сүйене отырып, ұйымдастырушылар Қазақстан тұрғындарының әртүрлі санаттарын құрайтын, яғни балалар мен жастардан бастап кәсіпкерлерге дейін қолдау көрсетуге, БҰҰ-ның тұрақты дамуының жаһандық мақсаттарына қол жеткізуге өз үлесін қоса алатынына сенімді. Бұл жоба елдегі экологиялық жағдайды жақсартуға ұмтылыстың бір қадамы болатынына сенім артады.
Материалды Қазақстандық Ұлттық ЮНЕСКО клубтарының Федерациясы ұсынды.
Өзекті жаңалықтарды өз уақытында оқу үшін Facebook парақшамызға жазылыңыз!