Samsung Electronics пен Sony Computer Entertainment компаниялары арасында тағы бір келісімге қол қойылды. Оңтүстіккореялық компанияның теледидарлары жапондық PlayStation Now қызметімен толығады.
Бұл PlayStation ойыншылары үшін жақсы жаңалық. Енді Smart TV-ді қосып, консолсыз ойын ойнауға болады. Ғаламтордағы ақпарат көздеріне сенер болсақ, екі өнімнің біріктірілген нұсқасы келесі жылдың орта шеніне қарай жаппай сатылымға шығады. Әзірге нақты күні белгісіз.
Ойын консолының платформасы Смарт ТВ-дің басты бетіндегі оффлайн қосымшалардың қатарын толықтырады. Егер ғаламторға кіру мүмкіндігі бар болса, PlayStation Now қызметін тікелей Smart Hub каталогынан алып, пайдалануға да болады екен.
Сурет: www.technobuffalo.com