Pinduoduo сайты 19 қазаннан бастап Қазақстанға тауар жеткізуді тоқтатты

Кейінгі уақытта Қазақстанда танымал болған қытайлық маркетплейс Қазақстанға тауар жеткізуді уақытша тоқтатты, - деп хабарлайды Massaget.kz тілшісі.

Мұндай тосын мәлімдемені "Қазпошта" жасады. 

"Pinduoduo барлық ресми онлайн тасымалдаушыларды 19 қазаннан бастап техникалық жетілдірулерге байланысты уақытша тоқтатты. Өкінішке қарай, жұмысты қалпына келтірудің нақты мерзімдерін атай алмаймыз", - делінген хабарламада.

Айта кетейік, Pinduoduo немесе PDD - әлемдегі ең үлкен маркетплейстердің бірі. Pinduoduo 2015 жылы ашылған. Штаб-пәтері Шанхайда орналасқан.

Бұған дейін бір жылда 70 млн теңге табыс тапқан қазақстандық кәсіпкер Pinduoduo-ны қытайлықтар қолданбайтынын айтып, сайтымызға сұхбат берген болатын. 

Аптаның басты оқиғалары мен пайдалы видеоларды көру үшін YouTube арнамызға жазылыңыз