Honda 1,2 миллион көлігін қайта жөндейді
![Honda 1,2 миллион көлігін қайта жөндейді](/userdata/news/news_47057/image_l.jpeg)
Фото:
cnn.com
Жапониялық автокөлік концерні АҚШ-та сатылған Accord атауына ие көліктерін қайта жөндеуден өткізуге мүдделі. Америкалық жүргізушілерден түскен арыздардан кейін компания басшылығы осындай шешімге келіп отыр. Бұл туралы CNN мәлімдеді.
Ресми ақпаратқа орай, 2013-2016 жылдар аралығында АҚШ нарығына арналып құрастырылған Accord седанында ақау табылған. Гибридті көліктің электр энергиясын жинақтайтын батарея сенсорлары мотордың ішкі жану процесіне кедергі келтіреді. Нәтижесінде мотордың жанып кету қаупі бар.
Honda компаниясының АҚШ-тағы клиенттеріне жүргізілген сауалнамаға орай, аталған ақаулық кесірінен зардап шеккендер жоқ.
Көліктерді мониторингтеу үдерісі осы айдың соңына дейін жүргізіліп, толығымен жөндеу шаралары іске асырылады.
Ж. Өрісбай