ER-BATYR. Мақсұт Жұмаев отбасылық құндылық пен тау шыңдарын бағындыру туралы айтады
![ER-BATYR. Мақсұт Жұмаев отбасылық құндылық пен тау шыңдарын бағындыру туралы айтады](/userdata/news/news_62942/image_l.jpg)
Alash Media Group медиахолдингі Montessori Qazaqstan Public Fund-пен бірігіп ер адамдарға арналған ерлер туралы ER-BATYR жобасын ұсынады. Жаңа шығарылымның қонағы − барлық сегізмыңдық биікті бағындырған, альпинизм бойынша еңбек сіңірген спорт шебері Мақсұт Жұмаев.
Бүгін сағат 20:00-де Tengrinews.kz-тің "Вконтакте" желісіндегі парақшасында спикер жүргізуші Тимур Балымбетовпен шыңдарды бағындыру, тәлімгерлердің ролі, отбасылық құндылық, бала тәрбиесі, сондай-ақ әкесі үйреткен басты нәрсе туралы әңгіме өрбітеді.
ER-BATYR - ер адамдарға арналған ерлер туралы, ер адамның қоғамдағы ролі, оларға артылған жауапкершілік пен саналы ер адамның отбасының және қоғамның дамуына қосатын үлесі жайлы жоба. Жоба аясында танымал кәсіпкерлер, спортсмендер, түрлі мамандық иелері өмір құндылықтары, жанұясының тұрмыс-салты, сондай-ақ ер адамның отбасындағы және қоғамдағы ролі туралы айтады. Эфирдің алғашқы қонағы - заңгер, блогер, жүзгіш-марафоншы, Oceanman кітабының авторы Ержан Есімxанов болды.
Ақпараттық серіктес − "ВКонтакте" әлеуметтік желісі. Жоба серіктесі − Altel ұялы байланыс операторы.
Жобаның барлық шығарылымын Tengri TV-дің YouTube-арнасынан және Tengrinews.kz-тің Facebook желісіндегі парақшасынан тамашалай аласыздар.
Н. Үсенова