ER-BATYR жобасында Антон Гордеев тәуелділік, жауапкершілік пен еркіндік туралы айтады

ER-BATYR жобасында "Свободные люди" нашақорлық пен алкоголизмнен зардап шегетін адамдарды оңалту орталығының директоры, тәуелділікті емдеу клиникасының бас директоры – Антон Гордеев. Ол Тимур Балымбетовпен сұхбат барысында есірткіге тәуелділігін қалай жеңгенін, неліктен ашу да есірткі екенін, қоса тәуелділік деген не екенін, сондай-ақ бүгінде еркіндікті қалай көретіні туралы айтып береді.  

Жобаның жаңа шығарылымын бүгін сағат 20:00-де ER-BATYR YouTube арнасынан қараңыздар. Сондай-ақ оны 19.30-да "ВКонтакте" желісіндегі Tengrinews.kz парақшасынан да көре аласыздар. 

Жоба ұйымдастырушылары – Alash Media Group медиахолдингі және Montessori Qazaqstan қоғамдық қоры. Ақпараттық серіктестер – "Жетінші арна", Vostok FM радиоарнасы және "ВКонтакте" әлеуметтік желісі. Жобаның серіктесі – Altel ұялы байланыс операторы.

ER-BATYR – ер адамдарға арналған ерлер туралы, ер адамның қоғамдағы ролі, оларға артылған жауапкершілік пен саналы ер адамның отбасының және қоғамның дамуына қосатын үлесі жайлы жоба. Жоба аясында танымал кәсіпкерлер, спортсмендер, түрлі мамандық иелері өмір құндылықтары, жанұясының тұрмыс-салты, сондай-ақ ер адамның отбасындағы және қоғамдағы ролі туралы айтады.

Бұған дейін футболшылар Давид Лория мен Самат Смақов, актерлер Тәуекел Мүсілім мен Санжар Мәди, шоумен және тележүргізуші Марат Оралғазин, коммуникация бойынша маман Әлішер Елікбаев, "Фридом Финанс" компаниясының бас директоры Тимур Турлов, кәсіпкер Райымбек Баталов, медиамагнат Арманжан Байтасов, Asar-ume қайырымдылық қорының негізін қалаушы Асхат Нұрмашев, сондай-ақ "Қазақтелеком" АҚ басқарма төрағасы Қуанышбек Есекеев болған.

Жобаның барлық шығарылымын ER-BATYR YouTube арнасынан қараңыздар.