COVID-19-ға қарсы екпе алған анадан мутант бала туатыны рас па?

Қазақстандықтар Instagram-да қорқынышты ақпарат таратып жатыр. Онда COVID-19-ға қарсы вакцинацияланған аналардан дамуында ауытқуы бар бала туады делінген. Ақпаратта құйрығы мен бір көзі бар сәбилер туралы айтылады. Шын мәнінде бұл - жалған ақпарат, - деп хабарлайды Massaget.kz тілшісі stopfake.kz-ке сілтеме жасап. 

Түрік әл-ауқат партиясының төрағасы Фатих Эрбакан 2021 жылы ауытқуы бар сәбилердің қорқынышты суреттерін ұсынды. Ол суреттерде көрсетілген барлық бала, соның ішінде құйрығы бар бала - жүктілік кезінде COVID-19 қарсы вакцина алған аналардан туған деп мәлімдеді.

Саясаткерді бірден әшкереледі. Ол көрсеткен суреттердің COVID-19 қарсы вакциналарға ешқандай қатысы жоқ екені белгілі болды, ал кейбіреулері графикалық реакторларда жасалған. Құйрығы бар сәбидің суреті - фотограф Саймон Стоунның 2009 жылы жасаған жұмысы. Түпнұсқа суретте құйрығы жоқ нәресте бейнеленген, автор суретте оған құйрық салып қойған.

alamy.com

Денесін түк басқан баланың екінші суреттің де COVID-19 пандемиясына немесе вакциналарға қатысы жоқ. Суреттегі нәрестеде гипертрихоз немесе қасқыр синдромы бар. Бұл - адам денесінің кез келген жерінде шаштың шамадан тыс өсуімен сипатталатын жағдай. Гипертрихоз туралы адамзат кем дегенде XVI ғасырдан бері біледі, яғни оның пайда болуына қандай да бір вакциналар себеп болмаған.

Фатих Эрбакан көрсеткен үшінші суретте 2016 жылғы маусымда дүниеге келген сиам егізі бейнеленген. Олардың тууы сирек кездеседі. Бұған екі себеп бар. Біріншіден, егіздердің жынысы әртүрлі, екіншіден, олардың ішкі органдарының көбі ортақ болған.

Мұндай ауыр патологиясы бар нәрестелердің туу себептері туралы көпшілікке хабарланған жоқ, бірақ балалардың ата-анасының COVID-19-ға қарсы вакцинацияланбағаны белгілі, өйткені 2016 жылы мұндай вакциналар болған жоқ.

Демек, түрік саясаткері көрсеткен суреттердің ешқайсысы COVID-19 қарсы вакциналар патологиясы бар балалардың тууына әкелетінін дәлелдемейді. Сонымен қатар, бұл - суреттердің вакциналарға қатысы жоқ, топтама ашық манипуляция және адамдарды шатастыру әрекеті.

Instagram парақшамызға жазылып, ең қызықты ақпараттарды бірінші болып оқыңыз!