Квантты нүктелер технологиясының кең өріс алып келуіне қарамастан, LG компаниясы OLED технологиясы негізінде жасалған теледидарларын шығаруды доғарар емес. Осы орайда өндіруші аталған көрмеге бірнеше өнімін алып келіпті.
Оңтүстіккорейлік компания Лас-Вегасте өтіп жатқан көрмеде 4К сападағы көрсетілімге ие OLED-теледидарларын таныстырды. Айта кетсек, Art Slim теледидары тіреуішсіз көкте қалқып тұруымен көзге түсті. Оның ауадағы магниттік өрісі тепе-теңдікті сақтайды екен. Одан бөлек өнімдер әр түрлі өлшем мен дизайнға ие теледидарлар сериясын қамтып отыр.
Сондай-ақ, LG компаниясы жаңа OLED-теледидарларынан сапалы дыбыстың шығуы үшін, оның акустикасына ерекше мән беріпті. Оның дамуына Harman/Kardon компаниясы серіктес болған.
Әзірге жаңа концепті өнімдердің бағасы айтыла қоймады. Дегенмен оның құны кем дегенде 10-15 мың АҚШ доллары көлемінде болары анық.
Оқи отырыңыз:
CES 2015 көрмесінде қандай техно өнімдер таныстырылмақ?
Сурет: worldwidegadget.blogspot.com