Astana Open ATP 250 турнирінде топ-50-ге кіретін он теннисші ойнайды

Астанада 26 қыркүйек – 3 қазан аралығында өтетін ATP 250 хард төсенішіндегі турнирге қатысатын ойыншылардың тізімі белгілі болды, - деп хабарлайды Massaget.kz тілшісі.

Жарыс рейтингісін мына теннисшілер бастайды: хорватиялық Борна Чорич (23 АТР), нидерландылық Таллон Грикспор (24 АТР), қазақстандық Александр Бублик (27 АТР), чехиялық Иржи Легечка (29 АТР), америкалық Себастьян Корда (31 АТР), аргентиналық Себастьян Баэс (32 АТР). 

Қазақстан астанасында сондай-ақ франциялық Адриан Маннарино (35 АТР), сербиялық Ласло Джере (38 АТР), аустралиялық Алексей Попырин (41 АТР), швейцариялық Стэн Вавринка (49 АТР) және басқалар ойнайды.

Ел намысын ұлттық құрама көшбасшысы Александр Бубликтен басқа беделді жарыста Михаил Кукушкин (WC), жұптық сында Андрей Голубев пен Александр Недовесов қорғайды.

Instagram парақшамызға жазылып, ең қызықты ақпараттарды бірінші болып оқыңыз!