Apple Стив Джобс дәстүрінен бас тартты
![Apple Стив Джобс дәстүрінен бас тартты](/userdata/news/news_47914/image_l.jpg)
Apple корпорациясы iPhone 8 смартфонының таныстырылымын 12 қыркүйекте жасайды. Іс-шара Тынық Мұхиты уақыты (PST) бойынша таңғы сағат 10-да басталады. Бұл жылғы ерекшелік жаңа смартфон таныстырылатын мекенде болып отыр.
Apple басшылары жыл сайынғы дәстүрден ауып, iPhone 8 смартфонын компанияның жаңа штаб-пәтері Apple Park территориясында ұйымдастыруды жөн көріп отыр. Ресми ақпаратқа орай, қонақтар компанияның негізін салушылардың бірі Стива Джобс (Steve Jobs Theater) есімі берілген аудиторияға жиналады.
Ресми емес дереккөздерге сенсек, iPhone 8 мобильді аппаратының алдыңғы панелі толығымен OLED-экранмен жабдықталады. Сонымен қатар, жаңа iPhone сымсыз қуаттау және биометрикалық анықтау жүйелерімен қамтамасыз етіледі. Ал алдыңғы камерасы инфрақызыл сенсоры негізінде жұмыс істейді.
Айта кетсек, Осыған дейін шығарылған iPhone модельдері Сан-Франциско қаласындағы Bill Graham Civic Auditorium ішінде таныстырылған. Бұл дәстүрді Стив Джобстың өзі бастаған болатын. Енді осы жылы сатылымға шығатын жаңа смартфон Силиконды алқаптағы Apple корпорациясының жаңа кампусында таныстырылмақ.
Ж. Өрісбай