Америкалық әнші Akon Алматыға келді. Желіде әртістің әуежайдан шығып келе жатқан видеосы тарады, - деп хабарлайды Massaget.kz тілшісі.
Әртіс алғашқы видеосын кеше түнде жүктеді, онда ол Қазақстан халқына амандасқан. Ол жанкүйерлерімен кездесуді асыға күтіп отырғанын айтты.
Akon-ның Алматыға келгені туралы жазба бүгін түстен кейін пайда болды. Әртісті және оның командасын джембада (африкалық барабандар) аспабын ұрып жатқан музыканттар тобы қарсы алды.
Akon музыканттардың өнерін соңына дейін тыңдап, содан кейін олармен қол алысып, ризашылығын білдірді.
Ансамбль мүшелерінің бірі әртісті қарсы алу олар үшін үлкен мәртебе екенін айтты.
Айта кетейік, америкалық рэпер ертең, 15 желтоқсанда Алматыда концерт береді.
Қызықты жаңалықтар мен видеоларды көру үшін TikTok арнамызға жазылыңыз!