95 көлік соқтығысқан оқиғаға қатысты тағы бір видео тарады

"ҚазАвтоЖол" Астана - Петропавл тасжолындағы колоннаны сүйемелдеу сәтін жариялады, - деп хабарлайды Massaget.kz тілшісі.

3 қаңтарда Астана - Петропавл тасжолында 95 көлік жаппай жол апатына түскен болатын.

"Видео кадрында жүргізушілер сүйемелдеу кезінде жол жүру ережелерін ескермей, бірін-бірі басып озған сәттері көрсетілген", - деп жазылған хабарламада.

Қыс мезгілінде колоннамен қозғалғанда жылдамдық пен қауіпсіз арақашықтық қатаң түрде сақталуға тиіс. Бір-бірін басып озуға тыйым салынады, себебі салдары жол апатына әкеп соғуы мүмкін. 

Видео жол апатына дейін ақылы учаскелерде орналасқан камераларға түсірілген.

95 көлік соқтығысқан оқиға

Еске салайық, 3 қаңтарда Астана - Щучинск тасжолында 40 көлік соқтығысты. Ақмола облысы Біржан сал ауданының Қоғам ауылы мен Қаратал ауылы арасында күн (боран) бұзылды.

Кейінірек Астана маңындағы тасжолда соқтығысқан көліктер саны 95-ке жетті. Бұл туралы "ҚазАвтоЖол" мәлімдеді.

Instagram парақшамызға жазылып, ең қызықты ақпараттарды бірінші болып оқыңыз!