94 жастағы Бибігүл Төлегенова қазақстандық әйелдерді мерекемен құттықтады
![94 жастағы Бибігүл Төлегенова қазақстандық әйелдерді мерекемен құттықтады](/userdata/news/news_102793/image_l.png)
Қазақ опера әншісі, актриса, педагог, КСРО халық әртісі, КСРО Мемлекеттік сыйлығының иегері, Социалистік Еңбек Ері Бибігүл Төлегенова әйелдерді 8 наурыз мерекесімен құттықтады, - деп хабарлайды Massaget.kz тілшісі.
Ол әйелдерге табыс пен абырой, ал елімізге тыныштық тіледі.
"Қадірлі әйелдер, әдемі келіншектер, апалар-әжелер, кішкентай шөбере-балапан қыздар! Баршаңызды 8 наурыз мерекесімен құттықтай отырып, сіздерге зор денсаулық, ұзақ өмір, табыс-абырой, береке тілеймін. Өмір жастарың ұзақ болсын, аспанымыз ашық болсын! Тыныштық болсын, іштегі жау, сырттағы жаудан сақтасын. Бақытты өмір сүрейік. Қашан да болса, осындай мерекелерді қуанышты дастарханда қарсы алайық. Мереке құтты болсын! Аман-есен болыңдар! Келесі мерекелерді қарсы алуды жазсын", - деді ол.
Айта кетейік, Бибігүл Төлегенова биыл желтоқсанда 95 жасқа толады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан