Мәжіліс депутаты Бақытжан Базарбек жалақысы жетпейтінін мәлімдеді. Осыған байланысты ол жұбайынан жұмысқа шығуын өтінген, - деп хабарлайды Massaget.kz тілшісі.
Бүгін журналистер Бақытжан Базарбектен Парламент депутаттарына "қазіргі жалақы жете ме?" деп сұраған.
"Қазіргі жалақы жетпеуі мүмкін. Өздеріңіз қараңыздар, 500, 700, 800 мың кімге жетеді? Әсіресе, отбасында 5-6 бала болса. Кейбір депутаттарымыздың 5-6 баласы бар", - деді мәжілісмен.
Оның айтуынша, табыстың қомақты бөлігі тұрмыстық шығынға, балабақша, үйірме ақысына және тағы басқаларға жұмсалады.
"Баланы балабақшаға апару, үйірмелерге қатыстыру, киіндіру - соның өзіне 300 мың кетеді. Ал азық-түлік бағасы өсіп жатқанын ескерсек, миллион теңге де жетпейді", - деді депутат.
Бақытжан Базарбек журналистерге өзі 900 мың теңгеден аса жалақы алатынын айтты.
"Жеке маған жетпейді. Сондықтан жұбайымнан да жұмыс істеуін өтіндім, болды", - деп толықтырды ол.
Instagram парақшамызға жазылып, ең қызықты ақпараттарды бірінші болып оқыңыз!