"9 бала анасыз қалды". Ақтөбе облысында жол апатынан мерт болған оралдық мұғалімдер туралы тың дерек шықты
!["9 бала анасыз қалды". Ақтөбе облысында жол апатынан мерт болған оралдық мұғалімдер туралы тың дерек шықты](/userdata/news/news_84614/image_l.png)
Ақтөбе облысында жол апатынан мерт болған оралдық мұғалімдер туралы тың дерек шықты, - деп хабарлайды Massaget.kz тілшісі "Мой город" басылымына сілтеме жасап.
1 маусымда таңертең Қобда ауданындағы Самара-Шымкент тасжолында 4 адам мерт болған жантүршігерлік жол апаты болды. Оралдан Ақтөбеге келе жатқан Lada Largus көлігі DAF жүк көлігімен соқтығысты. Салдарынан үш жолаушы оқиға орнында көз жұмды, төртеуі Қобда ауруханасына жеткізілді.
Lada Largus көлігінде Батыс Қазақстан облысында жұмыс істейтін мұғалімдер болған, олардың үшеуі Оралдағы мектептерде қызмет еткен. Олардың үшеуі сол жерде, тағы біреуі жансақтау бөлімінде көз жұмды.
БҚО білім басқармасының баспасөз қызметі өкілдері алты мұғалім Ақтөбеге бір таксимен келе жатқанын хабарлады. Онда олар емтихан тапсырып, жоғары білім туралы диплом алуы керек еді. Мұғалімдер Жұбанов атындағы Ақтөбе өңірлік университетінде білім алған. Кейбірі еңбек демалысында болса, кейбірі өз қаражатына бір күндік демалысқа өтініш жазған.
"Үш әріптесіміз сол жерде, тағы біреуі кейін қаза болды. Қаза тапқандардың отбасыларына аудандық, қалалық білім бөлімдері, кәсіподақ ұйымдары тарапынан барлық қажет көмек көрсетіліпи жатыр. Әріптестеріміздің туған-туыстары мен жақындарына қайғыларына ортақтасып көңіл айтамыз", - деді облыстық білім басқармасының баспасөз хатшысы Үміт Жәңгірова.
Қаза тапқандардың бірі - №47 орта мектепте дефектолог болып жұмыс істеген 29 жастағы Гүлжайнат Қажғалиева. Әйел сол жерде көз жұмды, оның артында анасы мен 8 жастағы ұлы қалды. Әріптестер оны жауапты әрі білікті маман болғанын айтады.
"Гүлжайнат мектебімізге былтыр күзден бастап жұмысқа кірісті. Өте жақсы, жауапты маман еді, бізбен бір жыл ғана жұмыс істеді. 30 мамырда ол маған келіп, емтихан тапсыру үшін Ақтөбеге бару керегін айтты. Оның демалысы маусымның аяғында басталуы керек еді, мен оған өз қаражатына демалысқа өтініш жазуын айттым. Ұжым атынан қайғырып көңіл айтамыз, анасы мен баласына қажет материалдық көмек көрсетемі", - дейді №47 орта мектеп директоры Нұрлан Сәттіков.
Екінші қаза тапқан мұғалім - 28 жастағы Айсұлу Тілектесова. Ол 2019 жылдан бері сурдомұғалім болып жұмыс істеген. Ол, әріптестері сияқты, емтихан тапсыруға бара жатқан еді. Ол еңбек демалысында болған, жақын арада ол Грузияда демалуды жоспарлап жатқан еді, тіпті алдын ала билет сатып алған.
"Айсұлу тамаша маман, ардақты ұстаз еді, балалар мен ата-аналар оны қатты жақсы көретін. Ата-анасы Қаратөбе ауданында тұрады, ол осында ағасымен бірге тұрған. Ұқыпты әйел, бәрі өз орнында, ақылды, сұлу, белсенді еді... Бүгін балаларға мереке өткізбекші едік, бірақ бәрінен бас тарттық. Бүгін балалар сабаққа келмеді. Жерлеу облыста болады, соңғы сапарға шығарып салуға міндетті түрде барамыз", - дейді Орал қалалық психологиялық-педагогикалық түзету кабинетінің меңгерушісі Гүлсім Ғалиева.
Қайғылы оқиға болмай тұрып Айсұлу фотосессия ұйымдастырып, әріптестерін шақырған.
"Бәріне өз еңбегімен жетті, үлкенге құрметпен қарайтын. Балалар оны жақсы көреді, әр мереке сайын гүл сыйлады. Осындай жағдайдың болғаны өте өкінішті, Айсұлуымыздың енді жоғына әлі сене алар емеспін", - дейді марқұмның әріптесі Мунирия Хайруллина.
Жолаушылардың арасында 41 жастағы Әйкерім Ғұмарова да болған. 2007 жылдан бері әйел Қазталов ауданындағы мектепте логопед болып жұмыс істеген. Ол алған жарақатынан сол жерде қаза болып, артында бес баласы қалды.
Ақсамал Әдиева небәрі 37 жаста, Новенков ауылындағы орта мектепте дефектолог болып жұмыс істеген. 1 маусымнан еңбек демалысында болған ол да әріптестері сияқты Ақтөбеге емтихан тапсырып, диплом алуға барғанымен, жантүршігерлік апаттан қаза болды. Әйелдің артында үш баласы қалды.
Ақтөбелік дәрігерлер 27 жастағы Аяжан Мыңжасарованың өмірі үшін күресіп жатыр. Ол №5 орта мектепте логопед болып жұмыс істеп, екі күн бойы өз қаражатына демалысқа шығуға өтініш жазған. Туыстарының айтуынша, қыздың жағдайы ауыр.
46 жастағы Бибігүл Мұрсанова да Қобдин ауруханасында жатыр. Дефектолог мұғалім 1 маусымнан бастап еңбек демалысында. Алдын ала мәлімет бойынша, әйелдің қолы сынған, жағдайы тұрақты.
Lada Largus көлігін 27 жастағы ер адам басқарған. Дәрігерлер оған жабық бассүйек-ми жарақаты, ми шайқалу, оң жақ жауырынның көгеру3, оң жақ сүйегінің сынуы деген диагноз қойды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек