"9 ай бойы жүктілігімді көпшіліктен жасырып келдім". Блогер Фариза Төреәлі балалы болды
!["9 ай бойы жүктілігімді көпшіліктен жасырып келдім". Блогер Фариза Төреәлі балалы болды](/userdata/news/news_96278/image_l.jpg)
Әнші Төреғали Төреәлінің қарындасы, блогер Фариза Төреәлі балалы болды, - деп хабарлайды Massaget.kz тілшісі.
Бұл туралы блогердің өзі әлеуметтік желідегі парақшасында хабарлады.
"Біз көп күткен бақыт.. біз көп тілеген бақыт.. Раббымыз бұл сезімдерді сезінуді бұйыртты. Шексіз мадақтар менен мақтаулар болсын! 9 ай бойы жүктілігімді көпшіліктен жасырып келдім, себебі тіл-көзден барынша сақтандым. Алла қалап дүниеге сәби алып келіп бәрін сезініп бастағанымыз сол еді артынша денсаулығыма байланысты жағымсыз жайттар орын алды. Жақындарымыздың бәрі дайындалып, роддомнан шығаруға ұшып келіп, дәл выписка күні анализдер нәтижелері болмай шығармай қойған еді. Бірнеше күндерден соң толық тексеріс керек екендігін, содан соң диагноз қойылатынын айтып шығуға рұқсат берді. Ұзақ күткен бақытты күнімізде солай қалай қуанарымызды білмей қалдық, түрлі сезімдер ойнап жатты. Бірден Түркияға баруға жолдасым тез шешім қабылдап, келесі күні 7 күндік баламызды қалдырып кетуге мәжбүр болдық. Бұл да Алланың жоспары. Енді ғана босанған әйел үшін түрлі-түрлі эмоцияларды бастан өткізу оңай болмады, әсіресе қиынға соққаны бөпемді қалдыру.. Ең бастысы бәрі артта қалып оңынан реттелді.
⠀
Сіздермен қуанышпен бөлісіп, сәби дауысын аңсап жүрген әр отбасыға шын жүректен жұғысты болсын дегіміз келеді! Дәл қазір бөпеміздің жанынында аман-есен отырған әр минутымыз үшін шүкір етіп отырмыз.. Әлі айтатын да, бөлісетін де қызық көп. Күнде стористарды жіберіп алмаңыздар", - дейді блогер.
Посмотреть эту публикацию в Instagram
Еске салайық, бұған дейін Фариза Төреәлі оқырмандарын толғандырып жүрген сұраққа - жүктілік және бала жайлы жауап берген болатын.
"Жазатын уақыт келді. Бірнеше жылдар бойы тоқтаусыз келетін сұрақ жайлы өз ойым. Жүктілік жайлы. Бала жайлы. Жазбасам да болар еді, алайда мен сияқты қыздарды сөзбен болса да қолдағым келеді. Күнделікті сұрақтарға үйреніп қалғанмын, бірақ өзінің де, өзгенің де шекарасын сезбейтін, өзіне қатысы жоқ нәрсеге араласатын адамдардың істері жағымсыз сезім алып келетіні өтірік емес. Дәл солай қаншама қыздарға да көрінген адамнан "қашан күйеуге шығасың, отырып қалатын болдың ғой?", "қашан туасың, қанша жыл болды" сынды сұрақтарды есту ұнайды деп айта алмаймын. Өзгенің өміріне шектен тыс араласу мәдениетке де, иманға да жатпайды. Себебі хадисте былай делінген: "Көркем мұсылманның белгісі - өзіне қатысы жоқ нәрсені тастауы". Сондықтан сіз де, біз де өзгенің көңіліне қарап сөйлеуді, шекара дегенді біліп жүрсек жаман болмайды" - дейді ол.
Фариза Төреәлі мұндай жағдайға тап болған әйелдерге қолдау білдірді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина