86 жастағы зейнеткер алғашқы махаббатына үйленді
![86 жастағы зейнеткер алғашқы махаббатына үйленді](/userdata/news/news_106505/image_l.jpg)
Қытайда 86 жастағы Чжоу Гуйлин 81 жастағы Ян Сюгуйге, алғашқы махаббатына үйленді. Ерлі-зайыпты бірнеше жылдан кейін қосылды, - деп хабарлайды Massaget.kz тілшісі South China Morning Post басылымына сілтеме жасап.
Бұл махаббат оқиғасы Қытайда резонанс тудырды, сонымен қатар, бұқаралық ақпарат құралдарының назарын аударды. Ерлі-зайыпты Бейжің университетінде танысқан. Чжоу мен Ян студент кезінде кездескен, бірақ оқу біткеннен кейін жастар екіге кеткен.
Екеуі де өз отбасын құрған, бірақ жұбайлары қайтыс болғаннан кейін Чжоу мен Ян қосылуды ұйғарған. Олардың үйленуіне арналған шараға тек жақын достары мен туыстары қатысты. Олар бұл оқиғаны 60 жыл күтті.
Қалыңдық билеп, ән айтты, ал жұбайы оны тангу барабанымен сүйемелдеді. Желі қолданушылары бұл көрініс "нағыз махаббат" екенін айтып жатыр.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова