Түркістан облысында 85 млн теңге қарызы бар көлік жүргізуші анықталды, - деп хабарлайды Massaget.kz тілшісі.
Патрульдік полиция қызметкерлері "Қорғау, қауіпті жүргізуші" бағдарламасы арқылы Lexus көлігіне қатысты белгі алды. Бұл көліктің иесі қомақты мөлшерде қарызын төлемеген болып шықты.
"Полиция қызметкерлері көлікті Шымкент-Самара тасжолында тоқтатып, жүргізушінің қаржы ұйымына 85 миллион теңгеден аса қарызы бар екенін анықтады", - деп жазылған хабарламада.
Көлік айыптұраққа қойылды.
Полицейлер жүргізушіге қарызды уақытында төлеу қажет екенін ескертті.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!