8 тамызда болатын қауіпті метеорологиялық құбылыстар болжамы жарияланды

"Қазгидромет" синоптиктері 8 тамыз күні Қазақстан аумағында болатын қауіпті метеорологиялық құбылыстарға болжау консультациясын жариялады, - деп хабарлайды Massaget.kz тілшісі.

Бүгін еліміздің басым бөлігінде тұрақсыз ауа райы болады. Найзағай, бұршақ пен дауыл, жаңбыр күтіледі. 

Қазақстанның батысында, солтүстік-батысында қатты жаңбыр жауады. 

Еліміздің оңтүстігінде және оңтүстік-шығысында жауын-шашынсыз ауа райы болады.

Барлық аймақта дерлік жел күшеюі болып, оңтүстікте шаңды дауыл, солтүстік-батыс пен солтүстікте түнде және таңертең тұман күтіледі.

Күндіз Алматы, Түркістан, Қызылорда, Жамбыл, Шығыс Қазақстан,  Ұлытау, Жетісу облыстарында, Абай облысының оңтүстігінде қатты ыстық болады.

Алматы, Атырау, Абай облыстарында, Ұлытау облысының шығысында,  Қарағанды облысының батысында, солтүстік-шығысында, оңтүстігінде, Ақтөбе облысының батысында, орталығында, Батыс Қазақстан облысының оңтүстігінде, шығысында, орталығында, Шығыс Қазақстан облысының орталығында, Ақмола облысының оңтүстік-батысында, Павлодар облысының оңтүстік-шығысында, орталығында жоғары өрт қаупі сақталады.

Маңғыстау, Қызылорда, Түркістан, Жамбыл, Ұлытау және Жетісу облыстарында, Алматы, облысының батысында, солтүстігінде, орталығында, Атырау облысының оңтүстік бөлігінде, Қостанай облысының оңтүстігінде, Ақтөбе, Шығыс Қазақстан, Абай облыстарының оңтүстігінде, шығысында төтенше өрт қаупі сақталады.

Қызылорда облысының оңтүстігінде, Алматы облысының сошлтүстігінде, орталығында, Түркістан облысының шөлді аудандарында, Жетісу облысының солтүстігінде, орталығында өте қатты ыстық күтіледі.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!