"78 миллион теңге айыппұл өндірілді". Алматыда тауарлық газға тариф төмендетілді
!["78 миллион теңге айыппұл өндірілді". Алматыда тауарлық газға тариф төмендетілді](/userdata/news/news_80752/image_l.jpg)
Алматыда прокуратура тексерісінен кейін тауарлық газ тарифі төмендетілді, - деп хабарлайды Massaget.kz тілшісі қала прокуратурасына сілтеме жасап.
Тексеру нәтижелері бойынша "APL Construction" ЖШС-де бекітілген тарифтік сметаның бұзылуы, сондай-ақ орамішілік газбен жабдықтау желілеріне қосылу кезінде үстем жағдайды теріс пайдалану анықталған.
"Қала прокуратурасының қадағалау актісі бойынша тариф 1 мың текше метр үшін 6 362,77 теңгеден 5 999,08 теңгеге дейін төмендетілді (5,7 пайызға), 184 миллион теңге сомасына өтемдік тариф енгізілді, сондай-ақ монополист ҚР Әкімшілік құқық бұзушылық туралы Кодексінің 159-бабы 3-1 және 164-бөлігі 4-бөлігі бойынша жауапкершілікке тартылды және 78 миллион теңге айыппұл өндірілді", - делінген хабарламада.
Қабылданған шаралар бойынша Еңбекшіқазақ және Панфилов аудандарының 11 мың тұтынушыларының құқықтары қорғалды, олардың 300-ден астамы кәсіпкерлер.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек