"7-20-25" бағдарламасы қажет пе? Министр жауабы
!["7-20-25" бағдарламасы қажет пе? Министр жауабы](/userdata/news/news_82766/image_l.jpg)
Индустрия және инфрақұрылымдық даму министрі Марат Қарабаев тұрғын үйді ипотекалық несиелеудің "7-20-25" бағдарламасы қажет екенін айтты, - деп хабарлайды Massaget.kz тілшісі.
Журналистер министрден "7-20-25" бағдарламасы қажет пе, ол әрі қарай жұмыс істей ме деген сауал қойды.
"Бағдарламаны жалғастыру керек деп санаймын. Мен айтқан 600 миллиард (теңге) адамдардан түскен өтінімдер. Бірақ Ұлттық банк жыл сайын 100 миллиард (теңге) бөлуге шешім қабылдады. Бір бағдарлама аясында "Бақытты отбасы", "Шаңырақ", "7-20-25" бағдарламаларынан басқа ештеңе қалмайды. Иә, бұл бағдарламаны жалғастыру керек деп ойлаймын", - деді Қарабаев журналистердің сұрақтарына жауап беріп.
Сонымен қатар, журналистер министрден тұрғын үй несиесіне қаржы жеткілікті ме деп сұрады.
Жоқ, бұл жеткіліксіз деп ойлаймын. Бізге қазір азаматтардан 600 миллиардқа (теңге) сұраныс түсіп жатыр. Сондықтан қазір 100 миллиард теңге көлемінде ақша бөлініп жатыр. Бюджет мүмкіндігі шексіз емес, ақша бюджет мүмкіндігіне қарай бөлінеді", - деп түсіндірді Қарабаев.
Бұған дейін Қазақстанның орнықтылық қоры өкілдері "7-20-25" ипотекалық бағдарламасы туралы пікір білдірген болатын. Қордың мәліметінше, "7-20-25" бағдарламасы өз жұмысын жалғастырып жатыр. 2023 жылға арналған лимит 100 миллиард теңге мөлшерінде бекітілген.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек