6 өңірде ауа райына байланысты ескерту жарияланды
![6 өңірде ауа райына байланысты ескерту жарияланды](/userdata/news/news_72785/image_l.jpg)
4 қазанда Қазақстанның 6 облысында ауа райына байланысты ескерту жарияланды, - деп хабарлайды Massaget.kz тілшісі.
4 қазанда Жетісу облысының солтүстігінде, шығысында солтүстік-шығыстан соғатын жел екпіні секундына 15-20 метрге жетеді.
Түнде Қызылорда облысының солтүстігінде топырақ бетінде 2 градус аяз сақталады.
Күндіз Атырау облысының солтүстігінде, шығысында және орталығында оңтүстік-шығыстан жел соғады, екпіні секундына 15-20 метр болады.
Атырауда оңтүстік-шығыстан жел соғады, күндіз оның екпіні секундына 15-20 метр болады.
Солтүстікте, Түркістан облысының таулы аймақтарында шығыстан соғатын жел екпіні секундына 15-20 метрге жетеді. Облыстың солтүстігінде түнде топырақ бетінде 2 градус аяз болады.
Батыс Қазақстан облысында күндіз батыста, оңтүстікте, облыс орталығында оңтүстік-шығыстан жел соғады, екпіні секундына 15-20 метрге жетеді.
Оралда күндіз оңтүстік-шығыстан соғатын жел екпіні секундына 18 метр болады.
Түнде Ақтөбе облысының солтүстігінде, шығысында, орталығында 3 градус аяз күтіледі.
Ақтөбеде түнде 1-3 градус аяз күтіледі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова