Қазгидромет 18, 19, 20 тамызға арналған ауа райы болжамын жариялады, - деп хабарлайды Massaget.kz тілшісі.
Қатты жаңбыр жауады
Атмосфералық фронттар өтуіне байланысты республиканың басым бөлігінде жаңбыр жауып, найзағай ойнайды, жел күшейеді, бұршақ та жаууы мүмкін. Тек еліміздің оңтүстігінде жауын-шашын жаумайды. Солтүстік, шығыс және орталық өңірлерде түнде, таңертең тұман түседі.
19-20 тамызда солтүстік облыстарда, 20 тамызда Қазақстанның орталығында қатты жаңбыр жауады деп болжанып отыр.
Өңірлер бойынша
- Батыс өңірлерде күндіз ауа температурасы +30...+38 градусқа дейін көтеріліп, Маңғыстау облысының кейбір аудандарында +41 градусқа дейін жетеді.
- Ақтөбе облысында күндіз ауа температурасы +27...+35 градус, Қостанай облысында +20...+30 градус болады.
- Солтүстік облыстарда күндіз ауа температурасы +17...+22 градусқа дейін төмендейді.
- Еліміздің орталық, шығыс өңірлерінде де күндіз ауа температурасы +18...+30 градусқа дейін төмендейді.
- Қазақстанның оңтүстігінде күндіз ауа температурасы +30...+37 градус аралығында болады.
- Еліміздің оңтүстік-шығысында күндіз ауа температурасы +28...+35 градус болады.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова