"400 литрлік жанармай талондарын тегін алған". СҚО-да шенеунік 7 жылға бас бостандығынан айырылды

СҚО бойынша Тексеру комиссиясының мүшесі сыбайлас жемқорлық жасады деген айыппен 7 жылға бас бостандығынан айырылды, - деп хабарлайды Massaget.kz тілшісі Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап. 

Петропавлда ҚР Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаментінің басшысы Сергей Перовтың қатысуымен бірнеше рет пара алу дерегі бойынша Солтүстік Қазақстан облысы Тексеру комиссиясының мүшесіне қатысты ҚР Қылмыстық-процестік кодекстің 200-бабы бойынша қылмыстық іс қаралды.

Тергеу нәтижесінде 2021 жылғы қарашада Кенжебаев Айыртау әлеуметтік қызмет көрсету орталығындағы тексеру нәтижелері бойынша келтірілген залалды өтей отырып, тәртіптік және әкімшілік жауапкершілікке татитын, лауазымды тұлғалардан анықталған бұзушылықтарды аудиторлық есепте көрсетпегені үшін 2,5 миллион теңге сомасында материалдық сыйақы алғаны анықталды.

Осы уақытта тексеру комиссиясы аудитті жұмыспен қамтуды үйлестіру басқармасында және оның ведомстволық бағынысты ұйымдарында жүргізді, онда да бірқатар заң бұзушылық анықталды. Кенжебаев аудиторлар тобын басқара отырып, мемлекеттік органның басшысы Қошмановты тәртіптік жауапкершілікке тарту туралы мәселені қарау үшін облыс әкімінің атына нұсқама жіберудің орнына пара талап етті.

"Қошмановпен жеке кездесу барысында Кенжебаев оған шара қолданбағаны үшін АИ-95 маркалы 300 литр жанармай талон түрінде материалдық сыйақы беру туралы заңсыз талап қойды. Қошманов өзінің жеке қаражатын жұмсағысы келмей, өзіне сеніп тапсырылған басқармадан 400 литрлік талондарды тегін алып, оның 100-ін жеке қажеттілігіне пайдаланды", - деді превенция басқармасының басшысы Дамир Хабибулин.

Заңсыз әрекеттері үшін Петропавл сотының үкімімен Кенжебаев мемлекеттік қызметте қызмет атқару құқығынан өмір бойына айырыла отырып, параның сомасын мемлекет кірісіне қайтарумен, қылмыстық-атқару жүйесінің орташа қауіпсіздік мекемесінде 7 жыл жазасын өтейтін болды.

Осы үкіммен сот Қошмановқа оған сеніп тапсырылған біреудің мүлкін жымқырғаны және пара бергені үшін параның 30 еселенген сомасы мөлшерінде айыппұл түрінде жаза тағайындады, бұл - шамамен екі миллион теңге.

Әлеуметтік қызмет көрсету орталығының лауазымды тұлғаларына қатысты қылмыстық іс ақталмайтын негіздер бойынша тоқтатылды. Жасалған қылмыс туралы өз еркімен хабарлағаны және алдын ала тергеуге ықпал еткені үшін.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!