"40 миллион теңге, алтын". Алматы облысында ауылды тонаған үш жігіт ұсталды
!["40 миллион теңге, алтын". Алматы облысында ауылды тонаған үш жігіт ұсталды](/userdata/news/news_92791/image_l.jpg)
Алматы облысының полицейлері қарақшылық шабуылдың барлық қатысушысын ұстады, - деп хабарлайды Massaget.kz тілшісі Polisia.kz сайтына сілтеме жасап.
8 қазанда Жамбыл ауданы ПБ-ға үш адамнан тұратын белгісіз қарулы адамдардың Қасымбек ауылындағы үйлердің бірінен 40 миллион теңге көлеміндегі қаражат, алтын әшекей және өзге де бағалы заттары бар сейфті ұрлап, қарақшылық шабуыл жасағаны туралы ақпарат келіп түсті.
Фото: Polisia.kz
Алматы облысы ПД бастығының нұсқауы бойынша арнайы тергеу жедел тобы құрылып, олар қысқа мерзім ішінде үш күдіктіні ұстады.
Фото: Polisia.kz
"Дерек ҚР ҚК-нің 192-бабы 3-бөлігінің 4-тармағы "Қарақшылық" бойынша тіркелді. Қазір қылмысты тергеуде оның толықтығын, жан-жақтылығын және объективтілігін қамтамасыз ету мақсатындағы барлық қажетті тергеу іс-шаралары жүргізіліп жатыр", - деді Алматы облыстық ПД бастығы Бауыржан Әленов.
Фото: Polisia.kz
Істі тергеу барысы облыстық полиция бастығының жеке бақылауына алынды.
Өзекті жаңалықтарды өз уақытында оқу үшін Facebook парақшамызға жазылыңыз!
С. Сатыбалдина