4 жыл бойы полициядан жасырынған: Астанада ресейлік ұсталды
![4 жыл бойы полициядан жасырынған: Астанада ресейлік ұсталды](/userdata/news/news_108974/image_l.png)
Астанада ауыр қылмыс жасағаны үшін төрт жылдан астам іздеуде жүрген Ресей Федерациясының азаматы ұсталды, - деп хабарлайды Massaget.kz тілшісі.
Қалалық полиция департаментінің хабарлауынша, "Құқықтық тәртіп" жедел-профилактикалық іс-шарасы барысында полицейлер халықаралық іздеуде жүрген қылмыскерді ұстады.
"42 жастағы айыпталушы Ставрополь қаласында болған кезде алдын ала сөз байласқан адамдар тобында әйелді ұрып-соғып, зорлағаны анықталды. Содан кейін қылмыскерлер пышақ қолдану қаупімен жәбірленушінің мүлкі мен құжаттарын иемденді. Ұсталған адамға Ресей Федерациясының Қылмыстық кодексінің үш бабы жүктелген: қарақшылық, зорлау және тонау", - деп хабарлады ПД баспасөз қызметі.
Айыпталушы қазір уақытша ұстау изоляторына қамалды, экстрадициялау мәселесі шешіліп жатыр.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан