4 адам қаза тапқан оқиға алдында полиция ескерту жасаған: ІІМ жүргізушілерге үн қатты

ІІМ көлік жүргізушілерге үндеу жасады, - деп хабарлайды Massaget.kz тілшісі.

Ведомство мәліметінше, жүргізушілер көбіне жол ережелерін елемейді.

"Құрметті азаматтар! Сіздерді жол жүрісі қағидаларын сақтауға шақырамын! Полиция жол апаттарын болдырмау, жол жүрісі қағидаларын бұзудың алдын алу бойынша тұрақты түрде түсіндіру және профилактикалық жұмыстарын жүргізеді. Осы мақсатта күн сайын тасжолдарда шамамен 1,5 мың патрульдік полицей қызмет етеді. Экипаждар 50 шақырым сайын орналастырылған. Жүргізушілер көбіне жылдамдық режимін сақтамайды. Қарсы жолға шығып кетіп жатады. Мысалы, 5 маусымда Ақтөбе облысында Toyota Alphard автокөлігінің жүргізушісі рөлді басқара алмай, аударылып кетті. Апатқа дейін оны полиция қызметкерлері тоқтатып, жол ережесін сақтау туралы ескерткен болатын. Оқиға салдарынан адам қаза тапты. Жүргізушілерді тағы да жолда сақ болуға шақырамын!" – деді ІІМ әкімшілік полиция комитеті төрағасының орынбасары Әлібек Кеңіспаев.

Еске салайық, бұған дейін Ақтөбе облысында жантүршігерлік жол апаты болғаны хабарланды. 

Өзекті жаңалықтарды өз уақытында оқу үшін Facebook парақшамызға жазылыңыз!