Алматы тұрғындарына қатты аязға байланысты ескерту жасалды, - деп хабарлайды Massaget.kz тілшісі.
Алматылықтарға 112 ТЖД қызметінен 13-14 желтоқсан аралығында қалада 23-27 градусқа дейін қатты аяз күтілетіні туралы хабарлама келді. Сондай-ақ, қала тұрғындарына қар жауатыны да ескертілді.
Қазгидромет мамандары Алматыда алдағы үш күнде ауа райы қандай болатынын айтты.
12 желтоқсанда қар жауады, түнге қарай ол күшейіп, тұман түседі. Жел екпіні секундына 2-7 метрге дейін жетеді. Ауа температурасы 12-13 градус аяз болады.
13 желтоқсанда жауын-шашын жаумайды. Жел екпіні секундына 0-5 метр болады. Түнде 23-25 градус көлемінде қатты аяз күтіледі, күндіз 18-20 градус аяз болады.
14 желтоқсанда да жауын-шашын жаумайды. Түнде ауа температурасы 27 градусқа дейін төмендейді, күндіз 15-17 градус аяз болады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!