"Қазгидромет" РМК синоптиктері ертең, 25 қыркүйекте елдің бірнеше өңірде қолайсыз ауа райына байланысты ескерту жасады, - деп хабарлайды Massaget.kz тілшісі.
Түркістан облысының солтүстігінде шаңды дауыл болады. Облыстың солтүстігінде, батысында, таулы және тау бөктерлі аудандарында шығыстан жел соғады, күші 15-20 м/с. Облыстың шөлді аудандарында жоғары өрт қаупі сақталады.
Шымкентте күндіз шығыстан жел соғады, екпіні 15-20 м/с-ке жетеді.
Ақмола облысының шығысында топырақ бетінде 1 градус үсік болады.
Шығыс Қазақстан облысының шығысында 3 градус үсік.
Павлодар облысының солтүстігінде тұман түседі.
Қызылорда облысында жел солтүстік-шығыстан соғады, таңертең және күндіз облыстың орталығында, шығысында күші 15-20 м/с болады. 25-27 қыркүйекте Қызылорда облысының орталығында, шығысында, оңтүстігінде төтенше өрт қаупі сақталады.
Қарағанды облысының солтүстігінде, шығысында тұман түседі. Түнде облыстың солтүстігінде, шығысында 1 градус үсік сақталады. 25 қыркүйекте облыстың оңтүстігінде жоғары өрт қаупі сақталады.
Ұлытау облысының оңтүстігінде жоғары өрт қаупі сақталады.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лес