23 қыркүйекке арналған ауа райы болжамы

Қазгидромет 23 қыркүйек күні еліміздің бірнеше аймағында күн райы жауынды болатынын хабарлады.

Қостанай облысының кей жерлерінде найзағай, тұман, бұршақ күтіледі. Оңтүстік-батыстан, батыстан жел соғады, күші түнде кей жерлерінде 15-20, күндіз 15-20, кей жерлерінде 23-28 м/с, екпіні 30 м/с және одан аса күтіледі. Түнде кей жерлерінде 1-3 градус үсік жүреді.

Қызылорда, Шығыс Қазақстан облыстарының кей жерлерінде түнде найзағай, дауыл сақталады. Оңтүстік-батыстан, батыстан жел соғады, күші кей жерлерде 15-20 м/с, кей жерлерде 23-28 м/с жетуі ықтимал.

Нұр-Сұлтан қаласында 23 қыркүйекте түнде оңтүстік-батыстан, батыстан жел соғады, екпіні 15-20 м/с, күндіз 23 м/с жетуі болжанады.

Түркістан облысы мен Шымкент, Көкшетау қалаларында да найзағай жарқылдап, дауыл күтіледі. Кей жерлерде шаңды дауыл, оңтүстік-батыстан солтүстік-батыс бағытына ауысатын желдің күші 15-20 м/с жетеді.

Маңғыстау облысының кей жерлерінде шаңды дауыл болып, жел 15-20 м/с жылдамдықпен соғады.