2015 жыл да аяқталды. Қой жылының басты оқиғалары мен жаңалықтары да massaget.kz сайтының назарынан тыс қалған жоқ. Назарларыңызға жылдың есте қалар елеулі оқиғаларына қысқаша шолуымызды ұсынамыз.
- Кезектен тыс президент сайлауы өтті.
- Мемлекет басшысы халыққа кезекті жолдауын арнады.
- Президент “100 нақты қадам” ұлттық жоспарын ұсынды.
- Еуразиялық экономикалық одақ өз жұмысын бастады.
- Әлемге төнген дағдарыс бізді де айналып өткен жоқ. АҚШ долларының бағасы шарықтап, теңге еркін айналымға жіберілді.
- 20 мыңдық купюра қолданысқа енді.
- Бірыңғай жинақтаушы зейнетақы қорын құру туралы шешім қабылданды.
- ҰБТ-ға қыз киімін киіп кірген жігіт ұсталып, жұртты таңдандырды.
- Алматы облысындағы сел елді есеңкіретіп тастады.
- Экс-премьер-министр Серік Ахметов 10 жылға бас бостандығынан айырылды.
- Қазақ хандығының 550 жылдығы кең көлемде атап өтілді.
- Ұлы жеңістің 70 жылдығы мерекеленді.
- Хакім Абайдың 170 жылдығы, Шоқан Уәлихановтың 180 жылдығы тойланды.
- Ұлы жазушы, қоғам қайраткері Әбіш Кекілбаев өмірден өтті.
- Белгілі әнші Батырхан Шүкенов 53 жасында көз жұмды.
- Белгілі ғалым, әдебиетші Тұрсынбек Кәкішев, жазушы Дидахмет Әшімхан, ақын Тұрсынай Оразбаева бақилық болды.
- Қысқы Олимпиада ойындарының астанасын анықтауда Алматы Бейжіңге жол берді.
- Қазақ ғарышкері Айдын Айымбетов ғарышқа ұшты.
- «Астана» футбол клубы Чемпиондар лигасының топтық кезеңіне шықты.
- «МС Сайлаубек» есімі танылды.
- Белгісіз ауру салдарынан ақбөкендер қырылды.
- Таразда өзін-өзі өртеген 20 жасар Ерлан Бектібаев ісі жұрттың жағасын ұстатты.
- Қазақстан Дүниежүзілік сауда ұйымына кірді.
- Қазақстандық ауыр атлет Илья Ильин әлем рекордын жаңартты.
- Қазақстандық үш ауыр атлет допинг қолданды деген күдікке ілінді.