20 тамыз "АрселорМиттал Теміртау"-да қаралы күн болып жарияланды
![20 тамыз "АрселорМиттал Теміртау"-да қаралы күн болып жарияланды](/userdata/news/news_89133/image_l.jpg)
20 тамыз "АрселорМиттал Теміртау"-да қаралы күн болып жарияланды, - деп хабарлайды Massaget.kz тілшісі.
Бұл туралы "АрселорМиттал Теміртау" АҚ бас директоры Владимир Яблонский айтты.
"Терең күйзеліспен "АрселорМиттал Теміртау" ұжымы атынан мезгілсіз қаза тапқан әріптес кеншілердің отбасыларына, туған-туыстары мен жақындарына қайғыларына ортақтасып көңіл айтамын.
Бұл қаза отбасылар үшін, бәріміз үшін ауыр қайғы.
Орны толмас қазаның қасіретін бөлісе отырып, қаза тапқан әріптестеріміздің отбасыларына жан-жақты көмек пен қолдау көрсетеміз. Сондай-ақ зардап шеккен барлық қызметкерлерге жан-жақты күтім мен оңалту бойынша көмек көрсетіледі.
20 тамыз "АрселорМиттал Теміртау"-да қаралы күн болып жарияланды", - деді ол.
14 тамыз "Қазақстан" шахтасында өрт болып, жер астындағы 227 кеншінің 222-і жер үстіне шығарылды. 5 адам қаза тапты:
- Стешин Денис Геннадьевич, 1978 жылы туған, еңбек өтілі 21 жыл;
- Халиков Артур Ринатович, 1994 жылы туған, еңбек өтілі 10 жыл;
- Бургун Виктор Сергеевич, 1966 жылы туған, еңбек өтілі 39 жыл;
- Слюньков Виталий Владимирович, 1965 жылы туған, еңбек өтілі 39 жыл;
- Старовойт Илья Александрович, 1996 жылы туған, еңбек өтілі 4 жыл.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан