2 қаңтардағы ауа райы болжамы
![2 қаңтардағы ауа райы болжамы](/userdata/news/news_64178/image_l.jpg)
Қазгидромет синоптиктері 2 қаңтарда Қазақстанның көптеген аймағында ауа райы минус 43 С° дейін аяз және жауын-шашынсыз болатынын болжады.
Қазақстан аумағының басым бөлігіне Солтүстік антициклон жотасы әсер етеді, сондықтан ауа райы жауын-шашынсыз болады. Тек республиканың солтүстік-батысында, оңтүстік-шығысында және шығысында атмосфералық фронтальды бөліктердің әсерінен кей жерлерде қар жауады.
Республика бойынша кей жерлерде тұман, оңтүстікте бұрқасын күтіледі.
Ақмола, Алматы, Жамбыл, Батыс Қазақстан, Қызылорда, Атырау, Ақтөбе, Қостанай, Солтүстік Қазақстан, Павлодар, Шығыс Қазақстан және Түркістан облыстарының кей жерлерінде тұман, Түркістан облысының кей жерлерінде бұрқасын болады.
Нұр-Сұлтанда күндіз ауа температурасы 27-29 С° нөлден төмен болады, түнде 34 С° дейін төмендейді.
Алматыда күндіз ауа температурасы минус 6-8 С° дейін, түнде 15 С° дейін төмендейді.
Шымкентте күндіз ауа райы нөлге жуық болады, түнде минус 11 С° дейін суытады.
Шымкент, Ақмола, Жамбыл, Батыс Қазақстан және Түркістан облыстарында тұманға байланысты ескерту жарияланды.
Ақмола, Қарағанды және Павлодар облыстарында аяз - минус 43 С° дейін ескерту жарияланды.
Н. Үсенова