17 шілдеде елімізде теледидар мен радио жұмыс істемейді: "Қазтелерадио" себебін түсіндірді

Сәрсенбі, 17 шілде күні Қазақстанның барлық аумағында теле-радио арналарды ретрансляциялау уақытша тоқтатылады. Мұның себебін "Қазтелерадио" АҚ түсіндірді, - деп хабарлайды Massaget.kz тілшісі.

"Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.

"2024 жылдың 17 шілде айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз", - делінген хабарламада. 

Қызықты жаңалықтар мен видеоларды көру үшін TikTok арнамызға жазылыңыз!