"Қазгидромет" РМК синоптиктері ертең, 21 ақпанда Астана мен Алматыда және тағы 14 өңірде қолайсыз ауа райына байланысты дауылды ескерту жариялады, - деп хабарлайды Massaget.kz тілшісі.
Батыс Қазақстан облысында жаяу бұрқасын, көктайғақ болады. Екпіні секундына 15-20 метрге жететін жел тұрады.
Ақмола облысында да бұрқасын, көктайғақ, тұман болады. Желдің екпіні - 15-20 м/с.
Ақтөбе облысында жаяу бұрқасын, көктайғақ болады деп болжанып отыр. Желдің екпіні 15-20 м/с-ке жетеді.
Қызылорда облысында тұман болады. Желдің екпіні секундына 20 метрге дейін жетеді.
Атырау облысында тұман, көктайғақ, сонымен бірге екпіні секундына 15-20 метр болатын жел тұрады.
Ұлытау облысында жаяу бұрқасын, тұман, көктайғақ. Мұнда да желдің екпіні - 15-20 м/с.
Алматы облысы мен Алматыда тұманды болады.
Қарағанды облысында жаяу бұрқасын, тұман, көктайғақ болады. Желдің екпіні 15-20 м/с-ке дейін жетеді.
Маңғыстау облысында тұман. Оңтүстік-шығыстан соғатын жел солтүстік-батысқа ауысады, күндіз облыстың батысында, оңтүстігінде, солтүстік-шығысында екпіні 15-20 м/с күтіледі.
Астананың жолдарында көктайғақ болады, жаяу бұрқасын соғады.
Абай облысында да жаяу бұрқасын, екпіні секундына 25 метрге жететін жел соғады.
Павлодар облысында жаяу бұрқасын болады. Облыстың оңтүстігінде оңтүстік батыстан соққан желдің екпіні 15-20 м/с құрайды.
Түркістан облысында тұман түседі. Оңтүстіктен жел соғады, таңертең және күндіз тау асуларында соққан желдің екпіні 15-20 м/с-ке жетеді.
Солтүстік Қазақстан облысының басым бөлігінде қар жауады, жаяу бұрқасын, көктайғақ, тұман болады.
Қостанай облысының басым бөлігінде қар жауады, облыстың солтүстігіне қатлың қар түседі. Облыстың солтүстігінде, шығысында, батысында жаяу бұрқасын жүреді, тұман болады. Күндіз облыстың оңтүстігінде көктайғақ болады деп күтіледі. Облыстың солтүстігінде, шығысында, батысында оңтүстік батыстан 15-20 м/с, кей тұста 25 м/с жылдамдықпен жел соғады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!