16-18 ақпанға арналған ауа райы болжамы

Таяу күндері елімізде ауа райы тосын мінез танытады. Синоптиктер 16-18 ақпанға арналған ауа райы болжамын жария етті.

Синоптиктердің мәліметінше, Қазақстан аумағындағы антициклон Алтайға жылжиды. Осыған байланысты еліміздің батыс және солтүстік-батысында күн ала бұлтты және жауын-шашынды болады.

"Бұл өңірлердің кей жерінде боран соғып, желдің жылдамдығы секундына 15-25 метрге дейін жетеді және көктайғақ болады. Ал Қазақстанның өзге аумағында күн ашық болғанымен, көру мүмкіндігін төмендететін тұман түсуі мүмкін", − деп ескертті мамандар.

Сонымен қатар, солтүстік, орталық және шығыс облыстарының кей жерлерінде 28-33 градус аяз сақталады.

Дереккөз: tengrinews