134 мың адам: қаңтардағы ҰБТ-ның нәтижесі белгілі болды

Қаңтардағы ҰБТ-ны 134 мыңға жуық адам тапсырды, - деп хабарлайды Massaget.kz тілшісі.

Оның ішінде:

• талапкерлердің 77,5 пайызға жуығы шекті балл жинады;
• орташа балл – 69 балл;
• ең жоғары балл – 137 балл;
• ерекше білім беру қажеттілігі бар 321 талапкер қатысты.

Ереже бұзғаны үшін 157 адамның нәтижесі жойылды. Смартфон, шпаргалка және басқа да тыйым салынған заттарды алып өту әрекеті салдарынан 107 талапкер тест тапсыру мүмкіндігінен айырылды.

Тестілеу кезінде ережелерді бұзғаны үшін аудиториядан 50 адам шығарылды. Бөгде тұлғалар анықталған жоқ.

Өзекті жаңалықтарды өз уақытында оқу үшін Facebook парақшамызға жазылыңыз!